سياسة الخصوصية

الصفحة دي بتوضّح إحنا في Nour بناخد منك بيانات إيه، وبنستخدمها في إيه، ومين بيشوفها، وإزاي تتحكم فيها.

البيانات اللي بناخدها

اسمك ورقم موبايلك، وعنوانك لو الطلب هيتوصّل (ومكانك على الخريطة لو حددته)، وإيميلك لو كتبته، وتفاصيل طلبك وملاحظاتك. ولو دفعت بالكارت، بيانات الكارت بتتكتب عند شركة الدفع المرخّصة بس، وإحنا مش بنشوفها ولا بنحفظها.

لو كتبت اسمك وموبايلك في صفحة إتمام الطلب وماكملتش، بنحتفظ بيهم وبمحتوى السلة أسبوعين بالكتير، وممكن نكلمك عشان نساعدك تكمّل. ولو فعّلت إشعارات المتصفح من صفحة متابعة الطلب، بنستخدمها عشان نبعتلك حالة طلبك بس.

بنستخدمها في إيه

عشان ننفذ طلبك ونوصّله، ونكلمك بخصوصه، ونبعتلك حالة الطلب، ونحمي المتجر من الطلبات الوهمية. ومش بنبعتلك رسايل دعاية غير لو وافقت.

مين بيشوفها

فريق المتجر، وشركة الشحن أو المندوب (بيانات التوصيل اللازمة بس)، وشركة الدفع لو دفعت أونلاين، ومنصة إيزي سايت اللي الموقع شغال عليها: بتخزن البيانات وتشغّلها لحسابنا بس، ومعاها الشركات اللي بتعتمد عليها في الاستضافة والإيميلات والإشعارات، وبعضها سيرفراتها بره مصر. مش بنبيع بياناتك لحد.

الموقع بيستخدم كوكيز ضرورية لتسجيل الدخول لحسابك بس. وعدد الزيارات بيتحسب أرقام مجمّعة من غير أي حاجة تعرّفك.

بنحتفظ بيها قد إيه وحقوقك

بنحتفظ ببيانات الطلبات والحجوزات طول ما هي لازمة للحسابات والضمان والالتزامات القانونية.

من حقك، حسب قانون حماية البيانات الشخصية المصري رقم ١٥١ لسنة ٢٠٢٠، تعرف البيانات اللي عندنا عنك وتاخد نسخة منها، وتصلّحها، وتطلب مسحها (إلا اللي القانون بيلزمنا نحتفظ بيه)، وتوقف أي رسايل وافقت عليها. كلّمنا على 01000669964. ولو ماوصلناش لحل، تقدر تشتكي لمركز حماية البيانات الشخصية.